Entela Sterjo është një nga përfitueset e skemës së granteve të projektit të financuar nga BE “Key People, Key Knowledge”. Prej disa vitesh, ajo ka kthyer shtëpinë e saj karakteristike prej guri, 150-vjeçare, në fshatin Ogdunan, në një bujtinë tradicionale, duke ofruar një eksperiencë unike për vizitorët.
Si një shtëpi e vjetër, ajo kishte nevojë për rikonstruksione dhe mirëmbajtje të vazhdueshme. Falë financimit nga BE-ja, u realizuan me sukses punime të rëndësishme, si riparimi i çatisë, suvatimi i mureve prej guri dhe ndërtimi i tavanit, duke siguruar një ambient autentik dhe komod.
📣 Për të rritur dukshmërinë dhe për të tërhequr më shumë vizitorë, u krijua dhe u shpërnda një broshurë promovuese dygjuhëshe (shqip dhe anglisht).
🌿 “Ky projekt ka një ndikim të madh në punën dhe familjen time. Rikonstruksioni i bujtinës do të ndikojë jo vetëm tek unë, por edhe në komunitet, pasi banorët sjellin produkte tek unë për t’i shitur. Vizitorët do të gjejnë një ambient tipik fshati në kushte optimale, duke e bërë përvojën e tyre më mbresëlënëse. Me këtë ndërhyrje, do të jem plotësisht funksionale për vizitorët vendas dhe të huaj.” – Entela Sterjo
🇪🇺 Falë mbështetjes së BE-së, një tjetër bujtinë tradicionale po bëhet një destinacion i veçantë për të gjithë ata që duan të zbulojnë bukuritë dhe mikpritjen e fshatit Ogdunan!
